“on i’n cal gwersi … fel sut i ddodi bandages arno, a on ni’n cal Physiology a Anatomy … chi o flan eich gwell a chi’n dysgu … Odd rhaid prynu dillad … fy rhieni odd yn prynu dillad a wi’n cofio’r parsel ‘ma’n dod, parsel enfawr, J.H. Bounds, Manchester a dillad nyrsio. A credwch chi fi odd y dillad – on nhw’n strict ofnadw – four inches from the ground odd y dillad i fod – streips, … a leinings ‘da nhw a bwtwne, sleeves lawr hyd y garddwrn a bwtwne nes y penelin a os byddech chi’n gwitho yn y ward och chi’n gallu datod y bwtwne mawr hyn a rowlo y llewyse lan; a’r coler stiff rownd fel hyn, a ar ben hwn wedyn ffedog wen yn croesi tu cefen a och chi fod i neud e fel hyn a fel, O diar! bydde’r Home Sister yn ynfyd … a wedyn cap mawr gwyn ar ‘ch pen wedyn ‘ny … fel llien bord mawr sgwâr a och chi’n dodi hwnnw’n deidi ar ‘ch pen, ‘Hide that ginger hair!’ … ”
Yn y pendraw talodd ei rhieni £20 iddi sefyll yr arholiad a gweithiodd hithau’n galed i ennill ei SRN.

DARLUNIAU o Iona Davies adeg ei chwrs hyfforddi yn Ysbyty Gyffredinol Hwlffordd, 1953-56

(i) Magu baban

(ii) Diwrnod gwobrwyo, 1957
{trwy garedigrwydd Iona Davies, Solfach}

“Dwi’n cofio’r diwrnod yn dda, gadal adra, dau suitcase oedd gen i a popeth oedd gen i yn y byd yn y ddau suitcase yma. A mae’n rhaid bod Mam wedi bod yn hel dipyn o arian i gal dillad newydd i mi. Ges i got newydd a mackintosh newydd a sgidia a mi ges i am y tro cynta ‘rioed, dwi’n cofio ddresing gown – doedd gynna ni ddim dresing gown adra nag oedd. Wel fasach chi byth - fasach chi wedi rhynnu tasach chi’n eistadd o gwmpas y ty mewn dresing gown yn ‘Stiniog, yn basach chi? … A mi oedd ‘na wn i ddim faint o anrhegion efo fi hefyd – cyfeillion, pobol y capal a chymdogion wedi dwad fesul un i roid ‘u cyngor a’u rhodd i mi fynd i ffwrdd efo fi. …
A dechra gweithio ar ward y plant (Ysbyty Goffa Wrecsam). Cael chwara efo’r plant, ’u bwydo nhw ac yn y blaen. Fel cadet, wrth gwrs, doeddan ni ddim yn gneud gwaith nyrs iawn felly ond yn dysgu ac yn gwylio ac yn gwrando. A wedyn ar ôl dipyn bach symud wedyn i wardia erill. Surgical ward es i wedyn os dwi’n cofio’n iawn a wedyn ward gynea. A pan oeddan ni’n ddeunaw oed , ag oen i’n ddeunaw oed ym mis Mawrth 1960, cael dechra wedyn , dechra Ebrill felly, hyfforddi’n iawn yn y Preliminary Training School ac mi oedd hwnnw yn Rosset. Pentra ydy Rosset rhyw bedair – bum milltir o Wrecsam ar y ffordd i Gaer … ty mawr oedd o mewn gerddi mawr, wel mi oeddan ni’n meddwl bo ni wedi symud i fyw i Buckingham palas, coeliwch chi fi. Mi roeddan ni’n gweithio’n galad yn yr ysgol trw’r dydd ond ewcs roeddan ni’n cael lle da - gerddi hyfryd fel oeddan ni’n deud a bwyd – bobol bach, dyna i chi beth oedd bwyd. Cael edrych ar ein hola fel y byddigions oedd yn byw yn y ty.
A mi roeddan ni’n r’ysgol trw’r dydd dydd Llun ac ar gyda’r nos Lun oeddan ni’n mynd i’r ysbyty i neud dipyn bach o ymarfer gwaith. Ar nos Ferchar, dwi’n cofio fyddan ni’n cal mynd allan i’r pentra neu gneud beth lician ni, ond i ni fod yn ôl erbyn naw. A wedyn gadal Rosset, Strathalun oedd enw’r ty, bore dydd Sadwrn, mynd i’r ysgol yn Ysbyty Goffa – cael rhywfaint o wersi, wedyn ymarfer corff a hanner diwrnod i ffwrdd a trw’r dydd dydd Sul a dod yn ôl nos Sul – pawb yn cwrdd â’i gilydd yn Ysbyty Goffa a fatha fan - fatha ambiwlans yn mynd â ni draw wedyn i Rosset. … Ac wedyn gorffen yn Strathalun ym mis Mehefin a symud wedyn i’r Ysbyty Goffa. Gweithio ar y wardia a wedyn cal rhyw fis neu fwy nôl yn y dosbarth a nôl yn y wardia ac felly am dair blynadd. …
Cael ein iwnifform wrth gwrs, toeddan, a cael cartra clyd a deud y gwir a stafell wely i mi fy hun. … bobol bach ac wrth gwrs mi oedd ‘na betha fatha teliffon yno toedd? a teledu – doedd gin Mam ddim teledu’r adeg hynny; wel oeddwn i’n meddwl bo fi wedi cyrraedd y nefoedd, coeliwch chi fi. Digon o bob peth yno – oen i ‘rioed wedi gweld coffi o’r blaen, Ovaltine a Horlicks, digonadd o lefrith – gallach chi gael bath yno fo! Ew oeddan nhw’n edrych ar ein hola ni yn hynod o dda. Y cyflog cynta dwi’n cofio ges i oedd £7 am fis ond wrth gwrs doedd hynny ddim yn rhy ddrwg erbyn ichi feddwl.“