“Aberdare Hall, virgin’s retreat, … Miss Howe oedd y warden ac amser bwyd odd top table i gal … odd e mor Seisnigedd a och chi’n cal ‘ch gwahodd bob hyn a hyn i ishte ‘da nhw – odd dim hawl ‘da chi i godi’ch cyllell a fforc nes bod hi’n codi’i chyllell a fforc! A on nhw’n siarad am bethe fel chamber music a dodd ‘da fi ddim syniad beth odd chamber music! … Ar ddydd Sul odd hawl ‘da chi gal ffrindie, bechgyn miwn amser te. … A och chi’n gorffod bod miwn erbyn deg bob nos ond trwy lwc a bendith odd ffrind ‘da fi o’r Tymbl a ffrind o’r Rhondda, Megan a Mary, a on nhw’n rhannu stafell ar y llawr isa. Wedyn och chi’n gallu dringo dros wal yr ardd a miwn trwy ffenest ‘u stafell nhw. … Ond odd mynd o gatre, chmbod, odd Caerdydd mor bell bryd’ny … Odd hireth mowr arno i. … Byth yn mynd i ddarlithie ch’wel. On ni’n gorffod gwisgo gown i fynd i ddarlith pryn’ny a trwseri tynn, tynn achos chi’n gwbod,oedd e’n gyfnod y beatniks a och chi’n prynu siwmper yn Marks and Spencers – rhai dynion, floppy mawr chmbod, a gwisgo minlliw pinc gole, gole, gole a llawer o golur du ar ‘n llyged ni a lliwio’n gwallte’n ddu. … A odd gramaphone gyda ni yn whare recordie roc ‘n rol a on ni’n dawnsio yn ein peisie ar brynhawn Sul – roc ‘n rol yn wyllt. … a wi’n cofio amser Rag week wedyn wisgon ni lan fel vestal virgins achos bryd ‘ny odd Ben Hur mlân yn y Park Hall sinema a on ni’n sefyll tu fas â tins bach yn casglu at y rag week. A wedyn benderfynon ni, odd hi’n amser y bom, odd y bom yn beth mowr yn ein bywyde ni, a mynd i beinto ffenest Miss Howe gyda gwyngalch – bom! …A odd y bwyd yn aflan! Wi’n cofio ni’n mynd ar streic a pallu byta bwyd ‘na.“